Disa mijëra qytetarë kanë protestuar në Prishtinë, përpara Qeverisë së Kosovës, në kundërshtim me udhëzimin administrativ të Ministrisë së Arsimit, Shkencës dhe Teknologjisë, me të cilin ndalohet bartja e uniformave fetare në institucionet e shkollimit.
Protestën e sotme e kanë organizuar disa organizata joqeveritare, të cilat këtë udhëzim administrativ e kanë cilësuar si shkelje të të drejtave të njeriut.
