Presidenti amerikan, Barak Obama, ka nënshkruar legjislacionin që parasheh sanksione të reja, më të ashpra, ndaj Iranit. Sanksionet janë rezultat i mosmarrëveshjeve rreth programit bërthamor të Iranit.
Sanksionet e reja do të zvogëlojnë mundësitë e Teheranit për të financuar programin bërthamor.
Perëndimi beson se Irani synon prodhimin e armëve bërthamore, akuza që hidhen poshtë nga Teherani.