Parlamenti Evropian ka miratuar marrëveshjen me Shtetet e Bashkuara, që i lejon hetuesve amerikanë të kundër-terrorizmit të kenë qasje tek transferat bankare të bëra në Evropë.
Miratimi i marrëveshjes erdhi pas një kohe të gjatë bisedimesh. Më herët Parlamenti Evropian kishte hedhur poshtë një variant të marrëveshjes për shkak të shqetësimeve që lidheshin me ruajtjen e të dhënave personale.
