“Serbia duhet të ndërgjegjësohet se Kosova gjithmonë e më pak është pjesë e Serbisë”, deklaroi kryeministri i Republikës Serbe të Bosnjës, Millorad Dodik.
“Është shumë e vështirë të japësh Kosovën dhe besoj se asnjë politikan nuk mund ta bëjë një hap të tillë. Por çështja është gjithmonë e më pak mes Kosovës e Serbisë e gjithmonë e më tepër ka të bëjë me raportet mes bashkësisë ndërkombëtare e Serbisë”, tha Dodik.
Dodik ka theksuar se Beogradi duhet të paraqesë kushtet e veta për njohjen e pavarësisë së Kosovës.
“Nëse dëshironi që Beogradi ta njohë pavarësinë e një pjese të Kosovës ne kërkojmë që veriu të mbetet në Serbi, derisa serbët që mbeten jashtë kësaj pjese të kenë status special”, tha kryeministri i Republikës Serbe të Bosnjës.
Millorad Dodik i bëri këto komente për të përditshmen serbe “Veçernje Novosti”.
