Ndërlidhjet

logo-print

Rusi: Së paku 20 të vdekur nga zjarret



Nga zjarri që ka përfshirë pyjet në pjesën qëndrore të Rusisë së paku 20 persona, mes të cilëve tre zjarrëfikës, kanë humbur jetën dhe mijëra të tjerë janë detyruar të braktisin vendbanimet.

Temperaturat e larta, të pazakonta për Rusinë, kanë shkaktuar zjarre në zonat pyjore. Zjarri ka prekur një sipërfaqje prej 866km2, afërsisht e barabartë me sipërfaqjen e Berlinit.

Kryeministri Vladimir Putin ka udhëtuar në rajonin e Nizhni Novogorodit, ku së paku 540 shtëpi janë djegur nga zjarri. Putini premtoi se qeveria do të ndërtojë banesa të reja për 500 banorët e një prej fshatrave më të goditura, kurse pjesa tjetër e banorëve në zonat e dëmtuara nga zjarri do të marrë një shpërbim në vlerën e 6600 dollarëve për person.
XS
SM
MD
LG