Ndërlidhjet

Të akuzuarit rreth Qyshkut nën hetime të reja

  • RFE /RL

Beograd, Prokuroria për krime lufte

Serbia ka filluar hetimet ndaj pasurisë së 22 personave të akuzuar apo të dënuar si kriminelë lufte. Hetimet janë fokusuar nëse pasuria e të akuzuarve apo të dënuarve në fjalë, është nga vjedhjet e viktimave të luftërave në Ballkan.

“Zyra e prokurorit për krime lufte ka nisur hetimin mbi origjinën e pasurisë së katër personave të dënuar për krime lufte në Bosnje dhe 18 të tjerëve të dyshuar për krime gjatë konfliktit të viteve 1998-1999 në Kosovë”
, tha Bruno Vekariq për agjencinë franceze të lajmeve, AFP.

Zëdhënësi Bruno Vekariq shtoi se katër nga personat që po hetohen, kanë qenë pjesëtarë të njësitit paraushtarak “Skorpions”, përfshirë ish-komandantin e tyre Sllobodan Mediq.

Tetëmbëdhjetë personat e tjerë, kanë qenë anëtarë të grupit paraushtarak “Çakalli” dhe akuzohen për vrasjen e 40 shqiptarëve në Qyshk të Pejës.

Në masakrën e majit të vitit ‘99 në këtë fshat të Pejës ata kanë grabitur edhe pasuritë e viktimave.

Sipas dëshmitarëve, viktimat u detyruan t’u jepnin paraushtarakëve serbë gjithçka që kishin, përfshirë para dhe stoli me vlerë.
XS
SM
MD
LG