Ndërlidhjet

logo-print

Holandë: 14 vjeçarja niset në lundrim rreth botës në fshehtësi


Vajza 14 vjeçare, Laura Deker, është nisur sot nga Gjibraltari, me shpresën se do të bëhet njeriu më i ri, që e ka kaluar botën vetëm.

Menaxheri i saj, Peter Klarenbek, ka thënë se ajo ishte përshëndetur me babain e saj dhe me miqtë dhe ishte nisur për në ujdhesat Kanarie, megjithë faktin se në Atlantik sot pothuajse nuk kishte fare erë për barkën me vela të 14 vjeçares.

Ai ka thënë se ky lundrim mund të zgjasë një vit.

Fillimisht Laura Deker është dashur të nisej nga Portiamo në Portugali, por kishte vendosur që nisejn ta bëjë në fshehtësi nga një port tjetër. Për këtë arsye shumë ekipe televizive, që kishin pritur në Portiamo, kishin mbetur pa e regjistruar nisjen e saj.

Muajin e kaluar një gjykatë në Holandë, e kishte anuluar vendimin e Këshillit për mbrojtjen e fëmijëve, që Laurës, për shkaqe të sigurisë, të mos i lejohej lundrimi.
XS
SM
MD
LG