Ndërlidhjet

logo-print

Mogadishu: Vriten disa anëtarë të Parlamentit


Persona që dyshohen se janë luftetarë islamistë kanë sulmuar një hotel në të cilin qëndrojnë zyrtarë qeveritarë në kryeqytetin e Somalisë, Mogadishu.

Raportohet se brenda hotelit janë dëgjuar të shtëna ndërsa dëshmitarët thonë se disa prej anëtarëve të Parlamentit janë vrarë. Sulmi duket se është pjesë e një ofensive që ka nisur që dy ditë nga sulmuesit e grupit radikal islamik, Al – Shabaab kundër forcave qeveritare në Mogadishu.

Të hënen është raportuar për vrasjen e mbi 20 civilëve, ndërsa mbi 90 persona të tjerë janë lënduar derisa zhvilloheshin luftime në mes të Al Shabaab dhe forcave qeveritare të përkrahura edhe nga paqeruajtësit e Unionit Afrikan.

Somalia nuk ka pasur një qeveri stabile që prej vitit 1991. Al Shabaab që është vet deklaruar se ka lidhje edhe me Al Kaidën, është betuar që të largojë qeverinë e përkrahur nga perëndimi.
XS
SM
MD
LG