Ndërlidhjet

Tadiq pranon Kosovën me tri kushte?

  • RFE /RL

Boris Tadiq

Boris Tadiq


Presidenti serb, Boris Tadiq, kurrë nuk do ta njohë pavarësinë e Kosovës, ka deklaruar presidenca serbe.

Deklarata vjen nga kabineti i kryetarit serb në kohën kur në media janë shtuar shkrimet se Tadiqi është i gatshëm ta njohë shtetin e Kosovës nëse përmbushen disa kushte.

Sipas gazetës kroate “Novi List”, e cila citon burime pranë përfaqësuesve diplomatikë serbë, Tadiqi do ta pranojë shtetin e Kosovës nëse plotësohen tri kushte: “eksterritorialiteti i manastireve ortodokse serbe në Kosovë, një status special për serbët në jug të lumit Ibër dhe vazhdimi i status quo-s për veriun e Kosovës”.

E përditshmja kroate thekson se në prag të debatit në Asamblenë e Përgjithshme të OKB-së, Serbia po i dërgon bashkësisë ndërkombëtare sinjale “të reja të ndryshme nga të mëhershmet dhe të papritura”.

Në të njëjtën frymë kanë qenë dhe disa shkrime të botuara në disa media serbe.(i.b)


XS
SM
MD
LG