Në 5 vjetorin e uraganit shkatërrimtar Katrina, presidenti amerikan Barak Obama e ka lëvduar vendosmërinë e qytetit Nju Orleans, dhe u zotua për të ofruar mbështetje “deri sa të kryhet puna”.
Obama tha se Nju Orleansi dhe zona bregdetare e Gjirit të Meksikës, ku mbi 1.800 vetë e humbën jetën, ende kanë nevojë për mbështetje.
Megjithatë, ai tha se përpjekjet e komunitetit kanë siguruar që “Nju Orleansi të lulëzojë përsëri”.
