Komandanti i ri i KFOR-it, gjenerali gjerman, Erhard Byhler, e konfirmoi sot vazhdimin e mbështetjes së aleancës për sigurinë në Kosovë.
Gjenerali në largim, Markus Bentler, ia dorëzoi komandën e rreth 10 mijë trupave bashkëvendasit të tij në një ceremoni në Prishtinë.
“Mund t’i siguroj të gjithë qytetarët se NATO-ja dhe KFOR-i do të mbeten të përkushtuar në Kosovë për të siguruar të drejtat e të gjithëve që të jenë të mbrojtur”, tha në ceremoninë në selinë e KFOR-it, admirali amerikan Mark Ficxherald, komandant i forcave të bashkuara të NATO-s në Napoli.
Zëvendësministri gjerman i Mbrojtjes, Rudiger Volf, tha se stabiliteti i Kosovës “është i një rëndësie të madhe për stabilitetin e gjithë rajonit”.