Bashkimi Evropian duhet të vazhdojë të ushtrojë presion mbi Serbinë për të arrestuar të kërkuarit kryesorë nga Gjykata e Hagës për ish Jugosllavinë, Ratko Mlladiçin dhe Goran Haxhiçin.
Kërkesa vjen nga kryeprokurori i Gjykatës së Hagës, Serzh Bramerz. Ai ka shtuar se Beogradi nuk po bashkëpunon plotësisht për kapjen e Mlladiçit, arkitektit të krimeve në Bosnje, përfshi masakrën e Srebrenicës.