Mbi 100 aktivistë kinezë përmes një letre të hapur kanë kërkuar lirimin nga burgu të Liu Xhiaobos, fitues i çmimit Nobel për Paqe për vitin 2010.
Aktivistët kërkojnë nga qeveria kineze të reagojë "arsyeshëm e me realizëm" ndaj vendimit për dhënjen e çmimit Nobel një aktivisti kinez. Kina ka reaguar me zemërim ndaj çmimit, madje ka anuluar dhe disa takime me zyrtarë norvegjezë.
Pas publikimit të çmimit Nobel një grup i të vjetërve në Partinë Komuniste kanë bërë thirrje publike për më shumë liri fjale në Kinë.