Autoritetet suedeze nuk kanë pranuar t'i japin leje qëndrimi dhe pune Xhulian Asanzh, themeluesit të faqes së internetit WikiLeaks. WikiLeaks është kritikuar nga qeveria amerikane për publikimin e dokumentave sekrete lidhur me luftën në Afganistan.
Asanzh, qytetar australian, është përpjekur të ndërtojë një bazë për punën e vetë në Suedi duke u nisur nga ligji suedez, i cili është një mbrojtje e fuqishme për lirinë e mediave.
Departamenti amerikan i Mbrojtjes ka kërkuar publikisht nga të gjitha mediat që të mos botojnë dokumente sekrete që lidhen me luftën në Afganistan, e që janë bërë publike përmes WikiLeaks.