“Lidhja Demokratike e Kosovës është për privatizimin e PTK-së, si një aset i rëndësishëm të ardhurash për buxhetin e vendit, por këmbëngul që ky proces të kryhet mirë dhe me kujdes”, ka thënë kryetari i LDK-së, Fatmir Sejdiu, gjatë një takimi me Adam Bennettin, Këshilltar i Lartë në Departamentin Evropian të Fondit Monetar Ndërkombëtar.
Lajmin e ka bërë të ditur zyra për informim e LDK-së.
“Në këtë frymë, LDK-ja ka insistuar gjithmonë që procesi i privatizimit në vend të jetë plotësisht transparent, t’u përmbahet normave të ekonomisë së tregut të lirë dhe ligjeve në fuqi ”, citohet të ketë thënë zoti Sejdiu.
