Sistemi shëndetësor në Kosovë vazhdon të ballafaqohet me probleme të ndryshme. Një ndër problemet është edhe furnizimi me barna esenciale në Qendrën Klinike Universitare të Kosovës (QKUK).
Por, vendimi i fundit i marrë nga Drejtori i kësaj qendre, Ali Sadriu, për mospranimin e barnave me afat skadence me më pak se gjashtë muaj, ka nxitur reagime te zyrtarët e Ministrisë së Shëndetësisë.
Ata thonë se ky vendim është i kundërligjshëm.
Arbenita Pajaziti, shefe e Divizionit për furnizim me barna në Ministrinë e Shëndetësisë, thotë se vendimi në fjalë i tejkalon kompetencat e drejtorit të QKUK-së, pasi që nuk përputhet me udhëzimet administrative.
“Ministria e Shëndetësisë ka bërë presion të vazhdueshëm se ky vendim është i kundërligjshëm, pasi që furnizimet ministria i bazon në udhëzimin administrativ që rregullon deponimin, distribuimin dhe dispenzimin e barnave esenciale. Furnizimi me barna bëhet në baza mujore dhe ato duhet të shpenzohen brenda strukturave”, thotë Pajaziti.
Drejtori i QKUK-së nuk është prononcuar, me gjithë përpjekjet për të marrë përgjigjen e tij në lidhje me akuzat se ai nuk është kompetent për të marrë vendimin në fjalë.
Por, zëdhënësi i Qendrës Klinike Universitare, Shpend Fazliu, thotë për Radion Evropa e Lirë se në bazë të ligjit për produkte dhe pajisje medicinale, parashihet që asnjë produkt medicinal nuk mund të hyjë në institucione shëndetësore pa pasur të paktën 6 muaj afatin e skadencës.
Sipas Fazliut, drejtori Sadriu nuk ka vepruar në mënyrë të kundërligjshme.
“Përderisa ky vendim është i miratuar në vitin 2003, ai është ende i vlefshëm”, deklaron Fazliu.
Në anën tjetër, Faik Hoti, zyrtar në Ministrinë e Shëndetësisë, thotë se zyra ligjore në këtë institucion e ka analizuar këtë vendim të drejtorit ekzekutiv dhe ka ardhur në përfundim se me nenin 16 të statutit të QKUK-së, një vendim i tillë i marrë nuk është në kompetencën e drejtorit.
“Ministria e Shëndetësisë është në dijeni për një vendim të tillë të kryeshefit të QKUK-së, sipas të cilit ndalohet pranimi i produkteve medicinale me afat prej më pak se 6 muajsh. Një vendim i tillë i marrë, nuk është në kompetencën e drejtorit”.
“Ministria e Shëndetësisë ka më shumë probleme se si t’i bëjë furnizimet me barna. Shumica e barnave nuk presin 6 muaj për shpenzim, sepse ka kërkesa dhe shpenzohen në baza javore apo mujore”, shpjegon Hoti.
Sidoqoftë, zyrtarë të Ministrisë së Shëndetësisë thonë se me vendimin e Sadriut, do të pësojnë më së shumti pacientët.
Arbenita Pajaziti, nga Ministria e Shëndetësisë, pohon se shumica e barnave të mospranuara, janë material i shpenzuar në baza ditore, javore apo mujore, dhe një vendim i tillë u bën dëm, si pacientëve, po ashtu edhe Ministrisë së Shëndetësisë.
“Citostatikët janë faturuar për QKUK dhe kanë mbetur në depo, sepse nuk e ka pranuar QKUK-ja, derisa sasia ka qenë e harxhueshme për një muaj, pastaj shiringat e një bari, Filgrastim, një shiringë e të cilit kushton 300 euro, dhe nuk është shfrytëzuar nga QKUK-ja e që ishte harxhuar për 10 ditë”, thekson Pajaziti.
Siaps Pajazitit Ministria e Shëndetësisë është duke formuar një komision hetimor dhe do të dalë me të dhënat për dëmet materiale që ka shkaktuar ky vendim i marrë nga QKUK-ja.
Qendra Klinike Universitare e Kosovës gjatë vitit është duke u ballafaquar me mungesë të madhe të barnave nga lista esenciale. Buxheti që ka pasur në dispozicion ky institucion për këtë vit, ka qenë 17 milionë euro, ndërkaq vitin e kaluar buxheti i po këtij institucioni ka qenë 20 milionë e 200 mijë euro.
Lexoni edhe këto: Barna me afat të skaduar
Dëmet e buxhetit nga kontratat e barnave
Furnizimi me barna - dyshime për keqpërdorim
Por, vendimi i fundit i marrë nga Drejtori i kësaj qendre, Ali Sadriu, për mospranimin e barnave me afat skadence me më pak se gjashtë muaj, ka nxitur reagime te zyrtarët e Ministrisë së Shëndetësisë.
Ata thonë se ky vendim është i kundërligjshëm.
Arbenita Pajaziti, shefe e Divizionit për furnizim me barna në Ministrinë e Shëndetësisë, thotë se vendimi në fjalë i tejkalon kompetencat e drejtorit të QKUK-së, pasi që nuk përputhet me udhëzimet administrative.
“Ministria e Shëndetësisë ka bërë presion të vazhdueshëm se ky vendim është i kundërligjshëm, pasi që furnizimet ministria i bazon në udhëzimin administrativ që rregullon deponimin, distribuimin dhe dispenzimin e barnave esenciale. Furnizimi me barna bëhet në baza mujore dhe ato duhet të shpenzohen brenda strukturave”, thotë Pajaziti.
Drejtori i QKUK-së nuk është prononcuar, me gjithë përpjekjet për të marrë përgjigjen e tij në lidhje me akuzat se ai nuk është kompetent për të marrë vendimin në fjalë.
Por, zëdhënësi i Qendrës Klinike Universitare, Shpend Fazliu, thotë për Radion Evropa e Lirë se në bazë të ligjit për produkte dhe pajisje medicinale, parashihet që asnjë produkt medicinal nuk mund të hyjë në institucione shëndetësore pa pasur të paktën 6 muaj afatin e skadencës.
Sipas Fazliut, drejtori Sadriu nuk ka vepruar në mënyrë të kundërligjshme.
“Përderisa ky vendim është i miratuar në vitin 2003, ai është ende i vlefshëm”, deklaron Fazliu.
Në anën tjetër, Faik Hoti, zyrtar në Ministrinë e Shëndetësisë, thotë se zyra ligjore në këtë institucion e ka analizuar këtë vendim të drejtorit ekzekutiv dhe ka ardhur në përfundim se me nenin 16 të statutit të QKUK-së, një vendim i tillë i marrë nuk është në kompetencën e drejtorit.
“Ministria e Shëndetësisë është në dijeni për një vendim të tillë të kryeshefit të QKUK-së, sipas të cilit ndalohet pranimi i produkteve medicinale me afat prej më pak se 6 muajsh. Një vendim i tillë i marrë, nuk është në kompetencën e drejtorit”.
“Ministria e Shëndetësisë ka më shumë probleme se si t’i bëjë furnizimet me barna. Shumica e barnave nuk presin 6 muaj për shpenzim, sepse ka kërkesa dhe shpenzohen në baza javore apo mujore”, shpjegon Hoti.
Sidoqoftë, zyrtarë të Ministrisë së Shëndetësisë thonë se me vendimin e Sadriut, do të pësojnë më së shumti pacientët.
Arbenita Pajaziti, nga Ministria e Shëndetësisë, pohon se shumica e barnave të mospranuara, janë material i shpenzuar në baza ditore, javore apo mujore, dhe një vendim i tillë u bën dëm, si pacientëve, po ashtu edhe Ministrisë së Shëndetësisë.
“Citostatikët janë faturuar për QKUK dhe kanë mbetur në depo, sepse nuk e ka pranuar QKUK-ja, derisa sasia ka qenë e harxhueshme për një muaj, pastaj shiringat e një bari, Filgrastim, një shiringë e të cilit kushton 300 euro, dhe nuk është shfrytëzuar nga QKUK-ja e që ishte harxhuar për 10 ditë”, thekson Pajaziti.
Siaps Pajazitit Ministria e Shëndetësisë është duke formuar një komision hetimor dhe do të dalë me të dhënat për dëmet materiale që ka shkaktuar ky vendim i marrë nga QKUK-ja.
Qendra Klinike Universitare e Kosovës gjatë vitit është duke u ballafaquar me mungesë të madhe të barnave nga lista esenciale. Buxheti që ka pasur në dispozicion ky institucion për këtë vit, ka qenë 17 milionë euro, ndërkaq vitin e kaluar buxheti i po këtij institucioni ka qenë 20 milionë e 200 mijë euro.
Lexoni edhe këto: Barna me afat të skaduar
Dëmet e buxhetit nga kontratat e barnave
Furnizimi me barna - dyshime për keqpërdorim