Epidemia e kolerës, e cila ka shkaktuar vdekjen e 220 njerëzve, raportohet se ka mbërritur në kryeqytetin e Haitit, Port-o-Prens.
Organizata Panamerikane e Shëndetësisë tha se ministria e Shëndetit Publik e Haitit ka konfirmuar raste të të infektuarve në Port-o-Prens.
Epidemia shpërtheu dhjetë muaj pas tërmetit shkatërrimtar të janarit.
Qindra mijë njerëz ende jetojnë në tenda rreth kryeqytetit Port-o-Prens, në kushte të mjera higjienike që shkaktojnë diarenë dhe përhapjen e shpejtë të sëmundjes.