Qindra përkrahës të politikanit nacionalist të Kirgistanit, Kamçibek Tashiev, protestuan sot në kryeqytetin Bishkek pasi ai pohoi se ishte plagosur në një sulm të motivuar politikisht.
Mbështetësit e kreut të partisë Ata-Zhurt kërkuan dorëheqjen e shefit të sigurisë, Keneshbek Dushanbajev, të cilin Tashiev dje e akuzoi për sulmin.
Tashiev tha se persona të armatosur i kishin hyrë në shtëpi, por kishin ndërhyrë truprojet e tij, me ç’rast kishin kapur një kartë identiteti të policisë sekrete shtetërore.
Interfax citoi zëdhënësin e policisë sekrete të ketë thënë se ky shërbim nuk ka lidhje me incidentin.
Partia Ata-Zhurt kaloi mirë në zgjedhjet parlamentare të tetorit.