Forcat serbe të sigurisë kanë nisur gjatë ditës së sotme disa operacione për kapjen e Ratko Mlladiçit. Mediat raportojnë se në Beograd kërkimet po zhvillohen në një shtëpi private dhe në një lokal, kurse pjesa e tretë e operacionit po zhvillohet në Arangjelovac, qytet në Serbinë qëndrore.
Ratko Mlladiçi akuzohet nga drejtësia ndërkombëtare për gjenocid, krime kundër njerëzimit dhe krime lufte në Bosnjë gjatë konfliktit të viteve ’90-të.
