Presidenti i Shteteve të Bashkuara Barak Obama tha sot se Pakistani po bën përparim kundër asaj që e quajti “kancer” të ekstremizmit, por jo sa duhet.
Obama tha në Mumbai të Indisë se Pakistani po e kupton se ka probleme “të thella” me terrorizmin, dhe se ndërmerr hapa për ta adresuar atë, por ky progres, tha presidenti amerikan, “nuk është aq i shpejtë sa do dëshironim ne”.
Obama pranoi se ndërmjet Indisë dhe Pakistanit ka një histori tejet komplekse, meqë dy vendet kanë zhvilluar tre luftëra kundër njëri-tjetrit, por shtoi se India mund të fitojë më së shumti nga stabiliteti dhe suksesi në Pakistan.
