Ministri për Integrimet Evropiane, Besim Beqaj kritikoi Bashkimin Evropian, për atë që ai i quajti standarde të dyfishta në trajtimin e Kosovës.
Besim Beqaj tha se BE po cakton kushte për Kosovën që nuk janë kërkuar nga vendet tjera në mënyrë që të fitojnë regjimin e lirë të vizave në vendet anëtare të BE-së.
Ai ka thënë se Kosova dëshiron të trajtohet njëjtë me vendet tjera në rajon.
Komentet e Beqajt vijnë një ditë pasi që Komisioni Evropian publikoi raportin e progresit për vendet e Ballkanit, përfshi këtu edhe Kosovën.
