Aleanca për Ardhmërinë e Kosovës ka njoftuar se do të nënshkruajë marrëveshje mes kësaj partie dhe Listës “LDK-Ibrahim Rugova”.
Marrëveshja për koalicion parazgjedhor do të nnëshkruhet në rezidencën e presidentit të ndjerë Ibrahim Rugova, në lagjen Velania.
Në njoftimin për media thuhet se "marrëveshja është arritur pas bisedimeve paraprake midis AAK-së dhe z. Ukë Rugova“.
AAK njofton se në zgjedhjet e jashtëzakonshme të 12 dhjetorit kjo parti dhe Lista “LDK-Ibrahim Rugova” do të garojnë me një listë të përbashkët zgjedhore.
Para këtij njoftimi, familja Rugova, përmes një komunikate për media, hodhi poshtë mundësinë e përfshirjes së Ukë Rugovës në listën zgjedhore të LDK-së.
Lista LDK-Ibrahim Rugova udhëhiqet nga Ukë Rugova, i biri i presidentit Ibrahim Ruogva dhe nga ish pretendenti për kryetar të LDK-së, Bujar Bukoshi.
Kjo Listë u formua, pas siç u tha pakënaqësive me procesin zgjedhor në LDK.