Liderët e 20 vendeve më të zhvilluara ekonomike, po e zhvillojnë ditën e dytë të takimit në kryeqytetin e Koresë Jugore, për t’i zgjidhur mosmarrëveshjet tregtare dhe përmirësuar ritmin e rritjes ekonomike.
Udhëheqësit, në mesin e të cilëve janë presidenti amerikan Barak Obama, presidenti kinez Hu Xhintao dhe presidenti rus, Dimitri Medvedev, sot pritet të lëshojnë një komunikatë të përbashkët mbi marrëveshjet e arritura në Seul.