Shtetet e Bashkuara i kanë bërë thirrje Rusisë që t’i nxjerrë para drejtësisë përgjegjësit për vdekjen në burg të avokatit të njohur.
Departamenti i Shtetit tha se Uashingtoni beson se Sergei Magnicki vdiq vjet në burgun Butirskaja në Moskë për shkak të “neglizhencës së qartë mjekësore”.
Magnicki kaloi një vit në burg pa u gjykuar fare nën akuzat për evazion fiskal.
Të martën, Moska urdhëroi hetime të reja për vdekjen e avokatit.