Bellorusia tha se do të heqë dorë nga materialet bërthamore deri në vitin 2012, të cilat përdoren për prodhimin e bombave bërthamore
Marrëveshja u bë publike sot në margjinat e samitit të OSBE-së në Kazakistan nga Sekretarja amerikane e SHtetit, Hillari Klinton, dhe homologu i saj bellorus, Sjarhej Martijnau.
Njoftimi përbën hap të madh përpara në përpjekjet që materialet bërthamore të mos bien në duart e terroristëve.
Klinton tha se Uashingtoni do të ofrojë ndihmë teknike dhe financiare, për t'ia mundësuar Bellorusë që të lirohet nga stoqet e uraniumit të pasuruar në shkallë të lartë.
