Presidenti Obama zhvilloi një bisedë telefonike me homologun e tij afgan, Hamid Karzai, gjatë vizitës së paparalajmëruar në Afganistan.
Ai është takuar me trupat amerikane në Bagram të Afganistanit, nga ku bisedoi me presidentin Karzai, pasi udhëtimi drejt Kabulit u anulua për shkak të motit të keq.
Presidenti Obama shprehu besimin se trupat amerikane do të jenë të suksesshme në misionin e tyre.
Ben Rodes, këshilltar i presidentit Obama, the se qëllimi kryesor i vizitës ishte takimi me trupat në këtë sezon festash, mes Ditës së Falenderimeve dhe Krishtlindjeve.