Në bazë të një sondazhi të zhvilluar para zgjedhjeve të 12 dhjetorit nga Klubi për Politikë të Jashtme, del se elektorati kosovar nuk preferon përsëritjen e koalicionit PDK-LDK. Sipas këtij sondazhi, koalicioni që më shumë preferohet është ai ndërmjet LDK-së dhe AAK-së. Sidoqoftë, do të jetë PDK-ja, si fituese e zgjedhjeve, ajo që e para do të provojë formimin e qeverisë së re, tha Ylli Hoxha, nga Klubi për Politikë të Jashtme.
Klubi për Politikë të Jashtme ka prezantuar rezultatet e një sondazhi të zhvilluar para zgjedhjeve, i cili paraqet opinionet dhe preferencat e elektoratit të partive politike në lidhje me koalicionin e ardhshëm qeverisës.
Nga 1 mijë e 50 persona të anketuar para zgjedhjeve, në të gjitha kombinimet koalicioni më i preferuar i tyre është ai ndërmjet Lidhjes Demokratike të Kosovës dhe Aleancës për Ardhmërinë e Kosovës, ndërsa koalicioni që më së paku preferohet është ai ndërmjet Partisë Demokratike të Kosovës dhe Lidhjes Demokratike të Kosovës.
Drejtori i Klubit për Politikë të Jashtme, Ylli Hoxha, tha se si votuesit e PDK-së, ashtu edhe ata të LDK-së, janë kundër përsëritjes së koalicionit ndërmjet këtyre dy partive.
Bazuar në rezultatin e zgjedhjeve, Hoxha tha se është e pritshme që PDK-ja fillimisht të provojë e para të formojë qeverinë si fituese e zgjedhjeve. E, në rast se do të dështonte, atëherë nismën do ta merrte LDK-ja.
“Këto dy subjekte politike i kanë shanset e veta për të krijuar koalicionin e ardhshëm. Pra, nëse PDK-ja del fituese pas rinumërimit - çka edhe duket se do të ndodhë - ajo do ta ketë përparësinë kushtetuese, sepse do ta marrë mandatin menjëherë nga ushtruesi i detyrës së presidentit dhe do t’i ketë shanset që e para të krijojë koalicionin”.
“Në anën tjetër, partia e dytë, LDK-ja, ka përparësi, sepse dy subjektet që kanë gjasa më të mëdha për t’u futur në koalicionin e ardhshëm, e kanë një elektorat më të disponuar për t’u futur në këtë marrëdhënie me LDK-në, sesa me PDK-në”, tha Hoxha.
Sondazhi i Klubit për Politikë të Jashtme parasheh se një qeveri ndërmjet PDK-së, AKR-së dhe pakicave, si kombinimi më shumë i përfolur, do të ishte mjaft e brishtë dhe se qëndrueshmëria e saj do të rritej dukshëm nëse aty do të përfshihej edhe AAK-ja.
Por, në një kombinim të tillë, sipas sondazhit, elektorati i AAK-së nuk e preferon aspak PDK-në. Përkundrazi, votuesi i AAK-së dhe AKR-së preferon më shumë LDK-në, tha Hoxha.
Ndërkaq, duke iu referuar votuesve të partive politike veç e veç, Ylli Hoxha tha se pozicioni i elektoratit përputhet me qëndrimet e subjekteve politike. Kështu, elektorati i PDK-së, si partia më e madhe, ka preferenca thuajse të njëjta me ato që i prezanton edhe lidershipi i saj.
“PDK-ja ka elektorat, i cili nuk e dëshiron këtë parti në koalicion me LDK-në, siç nuk e dëshiron në koalicion as me AAK-në dhe Vetëvendosjen. Preferon që PDK-ja të jetë në koalicion me AKR-në dhe me partitë që përfaqësojnë pakicat”, tha Hoxha.
Po ashtu, edhe elektorati i LDK-së ka një pozicion gati se të njëjtë me atë që prezanton Isa Mustafa dhe kryesia e partisë, ndonëse te votuesi i LDK-së thuhet se ka një përmbajtje të caktuar edhe në raport me pakicat.
“LDK-ja, edhe më shumë sesa votuesit e LDK-së, e kundërshton koalicionin me PDK-në. Preferon një koalicion me AAK-në, ndërkaq janë të ndarë me atë se a duhet hyrë në koalicion me Vetëvendosjen dhe me AKR-në, siç janë të ndarë edhe në raport me pakicat - në një nuancë më negative krahasuar me partitë tjera”, theksoi Hoxha.
Hulumtimi tregon më pas se elektorati i AAK-së shprehet në favor të koalicionit me LDK-në, por jo edhe me PDK-në. Ndërkaq, mbetet i rezervuar në lidhje me përafrimin e partisë me Vetëvendosjen dhe neutral në raport me AKR-në.
Lëvizja Vetëvendosje shprehet kundër koalicionit me cilëndo parti politike, duke preferuar opozitën, ndonëse u tha se ka disa përjashtime ku AAK-ja shihet si partnere e mundshme e saj.
Votuesit e AKR-së, sikurse edhe lidershipi i saj, shprehen të gatshëm për koalicione me të gjitha partitë politike, por me më shumë preferenca ndaj LDK-së sesa PDK-së.
Sondazhi ka përfshirë edhe pyetjet në lidhje me përfshirjen e qeverisë së ardhshme të Kosovës në bisedime me Serbinë, ku qytetarët kërkojnë një maturi dhe mosnxitim për këto bisedime, si dhe preferojnë që përfaqësimi të bëhet përmes një ekipi unifikues.
Klubi për Politikë të Jashtme ka prezantuar rezultatet e një sondazhi të zhvilluar para zgjedhjeve, i cili paraqet opinionet dhe preferencat e elektoratit të partive politike në lidhje me koalicionin e ardhshëm qeverisës.
Nga 1 mijë e 50 persona të anketuar para zgjedhjeve, në të gjitha kombinimet koalicioni më i preferuar i tyre është ai ndërmjet Lidhjes Demokratike të Kosovës dhe Aleancës për Ardhmërinë e Kosovës, ndërsa koalicioni që më së paku preferohet është ai ndërmjet Partisë Demokratike të Kosovës dhe Lidhjes Demokratike të Kosovës.
Drejtori i Klubit për Politikë të Jashtme, Ylli Hoxha, tha se si votuesit e PDK-së, ashtu edhe ata të LDK-së, janë kundër përsëritjes së koalicionit ndërmjet këtyre dy partive.
Bazuar në rezultatin e zgjedhjeve, Hoxha tha se është e pritshme që PDK-ja fillimisht të provojë e para të formojë qeverinë si fituese e zgjedhjeve. E, në rast se do të dështonte, atëherë nismën do ta merrte LDK-ja.
“Këto dy subjekte politike i kanë shanset e veta për të krijuar koalicionin e ardhshëm. Pra, nëse PDK-ja del fituese pas rinumërimit - çka edhe duket se do të ndodhë - ajo do ta ketë përparësinë kushtetuese, sepse do ta marrë mandatin menjëherë nga ushtruesi i detyrës së presidentit dhe do t’i ketë shanset që e para të krijojë koalicionin”.
“Në anën tjetër, partia e dytë, LDK-ja, ka përparësi, sepse dy subjektet që kanë gjasa më të mëdha për t’u futur në koalicionin e ardhshëm, e kanë një elektorat më të disponuar për t’u futur në këtë marrëdhënie me LDK-në, sesa me PDK-në”, tha Hoxha.
Sondazhi i Klubit për Politikë të Jashtme parasheh se një qeveri ndërmjet PDK-së, AKR-së dhe pakicave, si kombinimi më shumë i përfolur, do të ishte mjaft e brishtë dhe se qëndrueshmëria e saj do të rritej dukshëm nëse aty do të përfshihej edhe AAK-ja.
Por, në një kombinim të tillë, sipas sondazhit, elektorati i AAK-së nuk e preferon aspak PDK-në. Përkundrazi, votuesi i AAK-së dhe AKR-së preferon më shumë LDK-në, tha Hoxha.
Ndërkaq, duke iu referuar votuesve të partive politike veç e veç, Ylli Hoxha tha se pozicioni i elektoratit përputhet me qëndrimet e subjekteve politike. Kështu, elektorati i PDK-së, si partia më e madhe, ka preferenca thuajse të njëjta me ato që i prezanton edhe lidershipi i saj.
“PDK-ja ka elektorat, i cili nuk e dëshiron këtë parti në koalicion me LDK-në, siç nuk e dëshiron në koalicion as me AAK-në dhe Vetëvendosjen. Preferon që PDK-ja të jetë në koalicion me AKR-në dhe me partitë që përfaqësojnë pakicat”, tha Hoxha.
Po ashtu, edhe elektorati i LDK-së ka një pozicion gati se të njëjtë me atë që prezanton Isa Mustafa dhe kryesia e partisë, ndonëse te votuesi i LDK-së thuhet se ka një përmbajtje të caktuar edhe në raport me pakicat.
“LDK-ja, edhe më shumë sesa votuesit e LDK-së, e kundërshton koalicionin me PDK-në. Preferon një koalicion me AAK-në, ndërkaq janë të ndarë me atë se a duhet hyrë në koalicion me Vetëvendosjen dhe me AKR-në, siç janë të ndarë edhe në raport me pakicat - në një nuancë më negative krahasuar me partitë tjera”, theksoi Hoxha.
Hulumtimi tregon më pas se elektorati i AAK-së shprehet në favor të koalicionit me LDK-në, por jo edhe me PDK-në. Ndërkaq, mbetet i rezervuar në lidhje me përafrimin e partisë me Vetëvendosjen dhe neutral në raport me AKR-në.
Lëvizja Vetëvendosje shprehet kundër koalicionit me cilëndo parti politike, duke preferuar opozitën, ndonëse u tha se ka disa përjashtime ku AAK-ja shihet si partnere e mundshme e saj.
Votuesit e AKR-së, sikurse edhe lidershipi i saj, shprehen të gatshëm për koalicione me të gjitha partitë politike, por me më shumë preferenca ndaj LDK-së sesa PDK-së.
Sondazhi ka përfshirë edhe pyetjet në lidhje me përfshirjen e qeverisë së ardhshme të Kosovës në bisedime me Serbinë, ku qytetarët kërkojnë një maturi dhe mosnxitim për këto bisedime, si dhe preferojnë që përfaqësimi të bëhet përmes një ekipi unifikues.
