Në shumë pjesë të Pakistanit sot u mbyllën bizneset dhe u ndëpre transporti publik, teksa mijëra njerëz protestuan kundër ndryshimeve të mundshme në ligjet për blasfeminë.
Në Karaçi, policia përdori gazin lotsjellës për t'i shpërndarë demonstrantët.
Tubime gjithashtu u mbajtën në Islamabad, Lahore, Peshauar dhe qytetin Kueta.
Protestuesit kundërshtojnë ndryshimin e ligjit, i cili detyrimisht parasheh dënim me vdekje për cilindo që e fyen Islamin.
Grupet për të drejtat e njeriut thonë se ligji shpesh herë përdoret për t'i përndjekur pakicat fetare.