Ekipi spanjoll i futbollit Barcelona do të jetë fituesi i sigurt të hënën kur FIFA do të shpallë fituesin e Topit të Artë. Të tre kandidatët për Topin e Artë, Andres Iniesta, Xavi Hernandez dhe Lionel Mesi janë lojtarë të Barcelonës.
Në mesin e kandidateve për të fituar titullin e futbollistes më të mirë është dhe kosovarja Bajramaj, që luan në pozicionin e mesfushores për kombëtaren gjermane të femrave. Ajo sfidon për titullin katër herë fituesen e këtij çmimi, brazilianen Marta.
