Ministria e brendshme e Afganistanit tha se sulmi vetëvrasës në kryeqytetin Kabul ka lënë të vdekur të paktën dy pjesëtarë të sigurisë dhe katër të plagosur.
Zëdhënësi Zemeri Bashari tha se sulmuesi vetëvrasës po e ngiste një motoçikletë kur e hodhi veten në erë afër një minibusi që barte forcat afgane të sigurisë.
Ai nuk dha detaje tjera.
Përderisa dhuna në Afganistan është e lartë, sulmet në Kabul janë relativisht të rralla, sidomos pasi që një “unazë e çeliktë” u ngrit rreth qytetit para zgjedhjeve parlamentare të shtatorit.