Shtatë burra të dënuar për tregti me drogë dhe një person i dënuar për dhunimin e një adoleshente, janë varur sot në Teheran, transmetoi agjencia shtetërore e lajmeve, IRNA.
Agjencia thekson se është kryer dënimi me vdekje ndaj shtatë tregtarëve të drogës, por nuk saktëson nëse kjo është bërë në publik apo në burg.
Farzad Alizadeh, i dënuar me vdekje për rrëmbimin dhe dhunimin e adoleshentes, është varur në burgun Evin në Teheran
Prej fillimit të vitit 2011, në Iran janë kryer gjithsejt 28 ekzekutime, njoftoi AFP duke u thirrur në mediat lokale.
Sipas të njëjtave burime, vitin e kaluar janë ekzekutuar të paktën 179 persona.
