Çmimet e librave, sipas disa qytetarëve, janë tejet të larta - arsye kjo, sipas tyre, pse libri nuk lexohet aq sa do të duhej. Diana Bunjaku nga Prishtina thotë se, edhe pse interesimi i të rinjve ekziston për të lexuar libra, çmimet e shtrenjta e pamundësojnë një gjë të tillë.
”Lexoj vazhdimisht, sa herë që kam kohë të lirë. Për standardin tonë mendoj se është pak i shtrenjtë dhe kjo është edhe arsyeja pse ndoshta njerëzit nuk blejnë shumë libra. Mbase e shfrytëzojnë rastin më shumë kur kemi panaire librash, sepse bien çmimet”, thotë zonja Bunjaku.
Dafina Tigani, nga libraria “Dukagjini” në Prishtinë, thotë se lexueshmëria është e kënaqshme, por sipas saj është një kategori e caktuar e njerëzve që blejnë dhe lexojnë libra në vazhdimësi.
”Mendoj se lexueshmëria në një masë është e kënaqshme edhe pse ne kemi një kuadër të njerëzve që vazhdimisht janë të interesuar për libra”.
“Ofrojmë më shumë literaturë profesionale dhe kjo është pak e shtrenjtë sidomos për standardin tonë”, thotë zonja Tigani.
Por, të lexuarit edhe nëpër shkolla ka ndryshuar. Nora Kica , e cila ka një vajzë 10 vjeçare, thotë se fëmijët sot nuk kanë numër të mjaftueshëm të lektyrave shkollore se sa duhet lexuar, duke e bërë kështu krahasimin me periudhën kur ajo ishte nxënëse.
"Ndoshta përpara ka qenë më mirë, sepse e ke pasë numrin e caktuar të librave se sa duhet të lexosh dhe në një mënyrë është krijuar një shprehi e të lexuarit. Tash, për shembull, fëmija im në shkollë e përzgjedh vetë librin, pasaj ekziston një sistem i komentimit, secili fëmijë e bën në mënyrën e vet”.
“Por, gjithsesi mendoj se dëshira për të lexuar është shumë individuale, pavarësisht sistemit shkollor”, thotë Nora Kica.
Myrvete Kelmendi, mësuese në shkollën fillore “Faik Konica” në Prishtinë, thotë se me planprogramin e ri ka ndryshuar edhe sistemi i të lexuarit tek nxënësit. Sipas saj libri në përgjithësi tash lexohet më pak.
”Ka reduktime të të lexuarit. Përpara janë lexuar shkrimtarët më të vjetër, derisa tash në planprogram i kemi shkrimtarët e rinj. Përpara ka qenë e obliguar lektyra të lexohet nga nxënësit, derisa tash lexohet shumë më pak”, thotë zonja Kelmendi.
Sidoqoftë, sipas përfaqësuesve nëpër libraritë e qytetit, një arsye tjetër që ka ndikuar tek zvogëlimi i numrit të atyre qe blejnë libra, është edhe Interneti, duke qenë një burim edhe i shkarkimit të literaturës së shumtë në kompjuter.
Kafiteria e pazakontë
Video: Edona Peci
Mundësinë që duke pirë kafe, ta huazosh dhe eventualisht ta blesh ndonjë libër nga literatura vendore e ndërkombëtare, e ofron libraria - kafiteri “Ditë e Natë” në Prishtinë. Ata që e hapën këtë vend, shpresojnë që të shtrihet rrjeti i lokaleve të tilla, ku, siç thonë, njeriu nuk kalon kohën kot, por merr ndonjë mësim me vete.
”Lexoj vazhdimisht, sa herë që kam kohë të lirë. Për standardin tonë mendoj se është pak i shtrenjtë dhe kjo është edhe arsyeja pse ndoshta njerëzit nuk blejnë shumë libra. Mbase e shfrytëzojnë rastin më shumë kur kemi panaire librash, sepse bien çmimet”, thotë zonja Bunjaku.
Dafina Tigani, nga libraria “Dukagjini” në Prishtinë, thotë se lexueshmëria është e kënaqshme, por sipas saj është një kategori e caktuar e njerëzve që blejnë dhe lexojnë libra në vazhdimësi.
”Mendoj se lexueshmëria në një masë është e kënaqshme edhe pse ne kemi një kuadër të njerëzve që vazhdimisht janë të interesuar për libra”.
“Ofrojmë më shumë literaturë profesionale dhe kjo është pak e shtrenjtë sidomos për standardin tonë”, thotë zonja Tigani.
Por, të lexuarit edhe nëpër shkolla ka ndryshuar. Nora Kica , e cila ka një vajzë 10 vjeçare, thotë se fëmijët sot nuk kanë numër të mjaftueshëm të lektyrave shkollore se sa duhet lexuar, duke e bërë kështu krahasimin me periudhën kur ajo ishte nxënëse.
"Ndoshta përpara ka qenë më mirë, sepse e ke pasë numrin e caktuar të librave se sa duhet të lexosh dhe në një mënyrë është krijuar një shprehi e të lexuarit. Tash, për shembull, fëmija im në shkollë e përzgjedh vetë librin, pasaj ekziston një sistem i komentimit, secili fëmijë e bën në mënyrën e vet”.
“Por, gjithsesi mendoj se dëshira për të lexuar është shumë individuale, pavarësisht sistemit shkollor”, thotë Nora Kica.
Myrvete Kelmendi, mësuese në shkollën fillore “Faik Konica” në Prishtinë, thotë se me planprogramin e ri ka ndryshuar edhe sistemi i të lexuarit tek nxënësit. Sipas saj libri në përgjithësi tash lexohet më pak.
”Ka reduktime të të lexuarit. Përpara janë lexuar shkrimtarët më të vjetër, derisa tash në planprogram i kemi shkrimtarët e rinj. Përpara ka qenë e obliguar lektyra të lexohet nga nxënësit, derisa tash lexohet shumë më pak”, thotë zonja Kelmendi.
Sidoqoftë, sipas përfaqësuesve nëpër libraritë e qytetit, një arsye tjetër që ka ndikuar tek zvogëlimi i numrit të atyre qe blejnë libra, është edhe Interneti, duke qenë një burim edhe i shkarkimit të literaturës së shumtë në kompjuter.
Kafiteria e pazakontë
Video: Edona Peci
Mundësinë që duke pirë kafe, ta huazosh dhe eventualisht ta blesh ndonjë libër nga literatura vendore e ndërkombëtare, e ofron libraria - kafiteri “Ditë e Natë” në Prishtinë. Ata që e hapën këtë vend, shpresojnë që të shtrihet rrjeti i lokaleve të tilla, ku, siç thonë, njeriu nuk kalon kohën kot, por merr ndonjë mësim me vete.