Numri i aksidenteve në komunikacion, vetëm gjatë muajit janar të këtij viti, ka arritur në 1406, bëjnë të ditur zyrtarë policorë. Sabrie Kamberi, zëdhënëse në Policinë e Kosovës, thotë se deri tani janë raportuar 5 aksidente me fatalitet.
”Policia e Kosovës bën patrullimin, jo vetëm nga njësitet patrulluese, por edhe njësitë e trafikut janë në rrugë duke bërë patrullimin ditor, në mënyrë që t’i shmangim aksidentet, sepse vetëm një humbje e një jete është shumë shqetësuese për policinë dhe gjithë qytetarët e Kosovës”, thotë Kamberi.
Në anën tjetër, Basri Lenjani, drejtor i Qendrës Emergjente, thotë se çdo natë në këtë qendër frekuentojnë rreth 16 persona të aksidentuar.
Lenjani shpreh shqetësimin e tij duke apeluar tek institucionet relevante që të merren me këtë çështje më seriozisht, duke e marrë parasysh numrin shumë të madh të vdekjeve të personave nga aksidentet në komunikacion.
”Shpresojmë që të mos përsëritet fati i vitit të kaluar, duke e marrë parasysh që numri i të vdekurve ka qenë shumë i madh në aksidentet rrugore dhe ky mund të llogaritet si një shqetësim për qytetarët e Kosovës. Numri i të lënduarve është në rritje e sipër çdo ditë”, shprehet Lenjani.
Por, Sabrie Kamberi thotë se gjithherë Policia e Kosovës është marrë me fushata vetëdijesuese, duke e marrë parasysh numrin e madh të rasteve të aksidentuara.
”Kemi bërë edhe fushata të ndryshme të përkrahura nga organizata ndërkombëtare, në mënyrë që të ngremë vetëdijen e ngasësve të automjeteve dhe, në përgjithësi, të gjithë pjesëmarrësve në trafik. Ne, si Polici e Kosovës, kemi bërë apele të vazhdueshme te ngasësit që t’i kenë pajisjet e tyre me vete në sezonet e caktuara dhe t’u përshtaten kushteve atmosferike dhe rrugore”, thekson Kamberi.
Ndërkaq, Basri Lenjani shton se numri i raportuar i të vdekurve në aksidente nuk është real dhe, siç thotë ai, gjendja në terren qëndron ndryshe.
”Numri i të vdekurve në aksidentet rrugore, sipas disa informacioneve që ne i kemi, ka arritur mbi 500 persona dhe ky mund të llogaritet si një shqetësim për qytetarët e Kosovës”, shton Lenjani.
Vetëm gjatë vitit 2010, sipas Lenjanit, në Qendrën Emergjente kanë kërkuar ndihmë 3800 raste të aksidentuarish, derisa 26 kanë prej tyre kanë vdekur vetëm në këtë qendër.
”Policia e Kosovës bën patrullimin, jo vetëm nga njësitet patrulluese, por edhe njësitë e trafikut janë në rrugë duke bërë patrullimin ditor, në mënyrë që t’i shmangim aksidentet, sepse vetëm një humbje e një jete është shumë shqetësuese për policinë dhe gjithë qytetarët e Kosovës”, thotë Kamberi.
Në anën tjetër, Basri Lenjani, drejtor i Qendrës Emergjente, thotë se çdo natë në këtë qendër frekuentojnë rreth 16 persona të aksidentuar.
Lenjani shpreh shqetësimin e tij duke apeluar tek institucionet relevante që të merren me këtë çështje më seriozisht, duke e marrë parasysh numrin shumë të madh të vdekjeve të personave nga aksidentet në komunikacion.
”Shpresojmë që të mos përsëritet fati i vitit të kaluar, duke e marrë parasysh që numri i të vdekurve ka qenë shumë i madh në aksidentet rrugore dhe ky mund të llogaritet si një shqetësim për qytetarët e Kosovës. Numri i të lënduarve është në rritje e sipër çdo ditë”, shprehet Lenjani.
Por, Sabrie Kamberi thotë se gjithherë Policia e Kosovës është marrë me fushata vetëdijesuese, duke e marrë parasysh numrin e madh të rasteve të aksidentuara.
”Kemi bërë edhe fushata të ndryshme të përkrahura nga organizata ndërkombëtare, në mënyrë që të ngremë vetëdijen e ngasësve të automjeteve dhe, në përgjithësi, të gjithë pjesëmarrësve në trafik. Ne, si Polici e Kosovës, kemi bërë apele të vazhdueshme te ngasësit që t’i kenë pajisjet e tyre me vete në sezonet e caktuara dhe t’u përshtaten kushteve atmosferike dhe rrugore”, thekson Kamberi.
Ndërkaq, Basri Lenjani shton se numri i raportuar i të vdekurve në aksidente nuk është real dhe, siç thotë ai, gjendja në terren qëndron ndryshe.
”Numri i të vdekurve në aksidentet rrugore, sipas disa informacioneve që ne i kemi, ka arritur mbi 500 persona dhe ky mund të llogaritet si një shqetësim për qytetarët e Kosovës”, shton Lenjani.
Vetëm gjatë vitit 2010, sipas Lenjanit, në Qendrën Emergjente kanë kërkuar ndihmë 3800 raste të aksidentuarish, derisa 26 kanë prej tyre kanë vdekur vetëm në këtë qendër.
