Kryediplomatja e BE-së, Ketrin Eshton, tha se është "absolutisht qenësore" që autoritetet e Egjiptit dhe opozita ta fillojnë dialogun menjëherë.
"I takon popullit të Egjiptit dhe qeverisë së Egjiptit që të ecin përpara së bashku. Është absolutisht qenësore të shohim lëvizjen e nevojshme që njerëzit në Egjipt të ndjehen të sigurtë se ka një plan", tha Eshton.
Ajo i bëri këto komente para fillimit të samitit të BE-së në Bruksel.
Eshton tha se kishte folur mbrëmë me nënpresidentin Omar Sulejman, të cilit i kishte thënë se dhuna kundër protestuesve është "e papranueshme".
Kryeministri i Britanisë Dejvid Kamerun deklaroi para samitit se hapat eparë të qeverisë egjiptiane në drejtim të tranzicionit të premtuar "sinqerisht" kanë dështuar t'i plotësojnë aspiratat e njerëzve.
