Ndërlidhjet

Arrestohen 6 zyrtarë të Komunës së Prishtinës

  • RFE /RL

Policia e Kosovës

Policia e Kosovës

Gjashtë zyrtarë të Komunës së Prishtinës janë arrestuar sot, ka bërë të ditur Policia e Kosovës.

"Arrestimi i tyre është bërë nën dyshimin për keqpërdorime në Komunën e Prishtinës, lidhur me një tender që ka pasur të bëjë me mbulimin e lumit Prishtevka. Dëmi i veprës së dyshuar arrin në qindra mijëra euro", thuhet në njoftimin e Policisë.

Policia e Kosovës gjithashtu ka publikuar inicialet dhe moshën e gjashtë personave të arrestuar; R.Sh. i lindur në 1943, E.R. i lindur në 1960, Q.B. i lindur në 1966, R.S. i lindur në 1960, H.K. i lindur në 1965 dhe H.F. i lindur në 1964.

Në njoftim thuhet se hetimet janë kryer nga Drejtoria për Krime Ekonomike dhe Korrupsion, ndërsa Prokuroria ka caktuar masën e ndalimit për 48 orë për personat në fjalë. (a.h.)

Trego komentet

XS
SM
MD
LG