Kryetarja e Kuvendit të Shqipërisë, njëherësh nënkryetare e Partisë Demokratike Jozefina Topalli i bëri thirrje kreut të Partisë Socialiste Edi Rama që të njohë rezultatin zgjedhor.
“Ftoj Ramën të deklarohet se do të njohë rezultatin në çdo bashki e komunë”, tha Topalli duke i kërkuar numëruesve të zbatojnë ligjin “siç kanë bërë deri më tani”.
Nga ana tjetër Rama i ka bërë thirrje numëruesve që të tregojnë vendosmërinë e komisionerëve që të mos preket asnjë votë. Rama ka ripërsëritur se "i kemi fituar zgjedhjet qartë dhe saktë".
