Ndërlidhjet

logo-print

Pacolli: Njohja nga Gana, shumë e afërt


Në kuadër të vizitës së tij në vendet e Afrikës Qendrore dhe Perëndimore, zëvendëskryeministri Behgjet Pacolli, ka takuar në Akra të Ganës, ministrin e punëve të Jashtme dhe Integrimit Rajonal të këtij shteti, Alhaxhi Muhamed Mumuni.

Sipas një komunikatë për media të qeverisë, thuhet se gjatë këtij takimi, zëvendëskryeministri Pacolli ripërsëriti kërkesën për njohjen e shtetit të Kosovës.

Pas këtij takimi, zëvendëskryeministri Pacolli, është i bindur se njohja e Republikës së Kosovës nga shteti i Ganës është shumë afër, thuhet në komunikatë.

Aktiviteti lobues i zëvendëskryeministrit Behgjet Pacolli thuhet se do të vazhdojë në Guinea Konakri dhe në Afrikën Qendrore.
XS
SM
MD
LG