Ndërlidhjet

G8 do zgjidhje paqësore të konfliktit Nagorno-Karabak


Liderët e Shteteve të Bashkuara, Francës dhe Rusisë i kanë bërë thirrje Armenisë dhe Azerbajxhanit që të lëvizin drejt një zgjidhjeje paqësore të konfliktit në Nagorno-Karabak.

Deklarata e përbashkët e presidentëve Obama, Sarkozi dhe Medvedev në Samitin e G8-ës u kërkon vendeve në fjalë "të demonstrojnë vullnet politik dhe të finalizojnë parimet bazë gjatë takimit të ardhshëm në qershor".

Presidentët e Rusisë, Armenisë dhe Azerbajxhanit do të takohen në muajin qershor në qytetin rus, Kazan.

Azerbajxhani dhe Armenia kanë luftuar për gjashtë vjet me radhë në Nagorno-Karabak, luftë e cila ka përfunduar me armëpushim në vitin 1994.

Ndërmjetësuesit nga Rusia, Shtetet e Bashkuara dhe Franca kanë udhëhequr negociata për këtë çështje, por është bërë pak progres.
XS
SM
MD
LG