Ndërlidhjet

logo-print

Ishinger, "Doctor Honoris Causa" i Kosovës


Gjatë ceremonisë së ndarjes së çmimit "Doctor Honoris Causa"

Gjatë ceremonisë së ndarjes së çmimit "Doctor Honoris Causa"

Universiteti i Prishtinës, i ka ndarë titullin “Doctor Honoris Causa” ish- diplomatit Uolfgang Ishinger.

Çmimi ambasadorit gjerman i është ndarë për “kontributin e jashtëzakonshëm në avancimin e shtetësisë së Kosovës në arenën ndërkombëtare, për mbështetjen e gjithanshme dhe të vazhdueshme për njohjen dhe afirmimin e Republikës së Kosovës, për përpjekjet e pareshtura dhe avancimin e bashkëpunimit Kosovë – Gjermani në fusha të ndryshme”, thuhet në njoftimin e Ministrisë së Arsimit.

Ishinger tha se ky çmim simbolizon bërjen e paqes, fuqisë dhe kulturës, ndërkaq shtoi se titullin “Doctor Honoris Causa” më shumë e bashkë ndan me të tjerët sesa me veten.

Ministri i Arsimit, Shkencës dhe Teknologjisë, Ramë Buja, ka thënë në ceremoninë e ndarjes së këtij çmimi në Prishtinë se Ishinger është angazhuar në dy dekadat e fundit për Kosovën dhe këtë e “e sublimoi në fund me aktivitetin e Konferencës së Vienës, duke u angazhuar për pavarësinë e Kosovës”.

Buja e ka falënderuar Ishingerin për tërë angazhimin, punën dhe aktivitetin politik dhe diplomatik “për të sjellë Kosovën në pozitën që cilën e ka sot si shtet i pavarur”.
XS
SM
MD
LG