Ndërlidhjet

Kuvendi i Kosovës ka shënuar rekord për kah numri i vogël i ligjeve të miratuara gjatë një sezoni të punës. Nga 22 shkurti, kur është konstituuar e këndej, Kuvendi ka miratuar më pak se 10 ligje.

Driton Selmanaj, nga Instituti Demokratik i Kosovës, organizatë kjo që monitoron punën e Kuvendit, thotë se sivjet organi ligjvënës po e kalon periudhën më të keqe në fushën e miratimit të ligjeve.

Sipas tij, joefikasiteti në punën e Kuvendit vjen si pasojë e mosprocedimit të ligjeve të mjaftueshme nga qeveria, por është pasojë edhe e mosangazhimit të mjaftueshëm të deputetëve në këtë fushë.

“Kuvendi i Kosovës e ka neglizhuar pothuajse në maksimum çështjen e
Kuvendi i Kosovës e ka neglizhuar pothuajse në maksimum çështjen e miratimit të ligjeve.

miratimit të ligjeve. Ndoshta nuk është fajtor vetëm Kuvendi, por edhe Qeveria e Kosovës si sponsorizuese pothuajse e vetme e shumicës së ligjeve”.

“Megjithatë, kjo nuk i amniston apo shfajëson deputetët e Kuvendit, sepse të drejtën e nismave legjislative e ka edhe Kuvendi i Kosovës përmes komisioneve parlamentare apo grupeve parlamentare - gjë që nuk po e bëjnë”
, thotë Selmanaj.

Nënkryetari i Kuvendit nga radhët e Lëvizjes Vetëvendosje, Glauk Konjufca, thotë se ka disa arsye që kanë ndikuar në joefikasitetin e Kuvendit në miratimin e ligjeve.

Procedura e stërzgjatur e zgjedhjes dhe rizgjedhjes së presidentit si dhe puna jo e mjaftueshme e komisioneve parlamentare, veçohen nga ai si pengesat më të mëdha që e kanë shkaktuar këtë joefikasitet.

Nëse merret parasysh rezultati prej më pak se 10 ligjesh të miratuara, kjo, sipas Konjufcës, lë të nënkuptohet se Kuvendi është ende me agjendën e vet diku në muajin prill.

Glauk Konjufca - foto arkiv
“Vonesa ka qenë shkaktare, për arsye se kemi pasur të bëjmë me një proces të vonuar të konsolidimit të institucioneve, sidomos në rastin e presidentit. Kjo e ka shtyrë punën e Kuvendit të Kosovës për më së paku dy muaj”.

“Një arsye tjetër pse legjislatura ka qenë shumë e ngathtë në këtë mandat, është edhe puna e komisioneve parlamentare. Këto komisione kanë udhëtime të çdojavshme nëpër vendet e ndryshme të Bashkimit Evropian, jashtë Kosovës”,
thekson Konjufca.

Mungesa e ligjeve të miratuara pritet të reflektojë negativisht edhe në raportin e progresit të Komisionit Evropian, thotë KDI.

Përveç problemeve me të cilat është përballur sivjet legjislatura në aspektet e miratimit të ligjeve, problem tjetër, edhe më i rëndë, konsiderohet të jetë moszbatimi i ligjeve tashmë të miratuara.
  • 16x9 Image

    Zijadin Gashi

    Zijadin Gashi, i lindur më 1973 në Prishtinë. Me gazetari ka filluar të merret që nga viti 1997, duke u angazhuar fillimisht nëpër mediat lokale. Si korrespondent i Radios Evropa e Lirë punon që nga maji i vitit 2001. Kryesisht ka mbuluar aktualitetin politik në Kosovë.

    Nga 1 shkurti 2016, është emëruar shef i Byrosë së Radios Evropa e Lirë, në Prishtinë. Ai është i martuar dhe ka 3 fëmijë.

XS
SM
MD
LG