Ndërlidhjet

Arrestohet Rebeka Bruks?!

  • RFE /RL

Rebeka Bruks

Rebeka Bruks

Mediat në Londër raportojnë se policia britanike ka arrestuar Rebeka Bruksin, ish-shefe ekzekutive e “News International” – që është dega britanike e “News Corporation”.

Policia britanike ka konfirmuar se ka arrestuar një grua 43-vjeçare, nën akuzat për përgjim të telefonave dhe korrupsion, por nuk e ka konfirmuar identitetin e saj.

Policia ka arrestuar tashmë nëntë persona që kishin lidhje me javoren "News of The World", e që dyshohet se kanë përgjuar telefonat e politikanëve, gazetarëve rivalë, të familjes mbretërore dhe të viktimave të sulmeve terroriste në Britani e SHBA.

43-vjeçarja Bruks, e cila një kohë ka qenë redaktore e "News of the World", ka dhënë dorëheqje të premten nga posti i shefes së gazetave britanike të kompanisë Mërdok.

Në vendin e saj pritet të vijë Tom Mokrixh, kryeshef ekzekutiv i “Sky Italia”-s.

“News Corporation”, kompania e dytë mediatike në botë, është përballur me rënie të çmimit të aksioneve që nga goditja e skandalit. (v.t.)
XS
SM
MD
LG