Ndërlidhjet

Dardan Stublla emërohet drejtor i QKUK-së


Sekretari i Përgjithshëm i Ministrisë së Shëndetësisë, Ilir Tolaj, ka aprovuar sot rekomandimin e Panelit intervistues për kandidatin fitues nga kandidatët që janë testuar për drejtor ekzekutiv të Qendrës Klinike Universitare të Kosovës (QKUK), duke emëruar Dardan Stublla, drejtor të kësaj qendre.

“Në bazë të poentimit që ka bërë Paneli vlerësues, Dardan Stublla, ka fituar numrin më të madh të poenëve dhe është emëruar drejtor i QKUK-së”, thuhet në njoftimin e Ministrisë së Shëndetësisë.

Dardan Stublla, ka titullin master në Marrëdhënie ndërkombëtare dhe diplomaci.

Ai ka qenë këshilltar i lartë i ish-Ministrit të Ekonomisë dhe Financave, Haki Shatri, bashkëdrejtor i Administratës Tatimore të Kosovës e shef i Kabinetit të ish -Ministrit Ali Sadriu.
XS
SM
MD
LG