Ndërlidhjet

logo-print

Divjak kthehet në Sarajevë


Ish gjenerali boshnjak Jovan Divjak, i kërkuar për krime lufte nga Serbia, ka arritur sot në Sarajevë, pasi që gjykata austriake refuzoi kërkesën e Beogradit për ekstradim.

Divjak arriti me aeroplan nga Vjena- ku po priste vendimin e gjykatës që nga muaji mars.

Më herët një gjykatë në Korneuburg, e konsideroi “të papranueshme” kërkesën e Beogradit për ekstradim.

Divjak u kap në aeroportin e Vjenës në muajin mars, por u lirua pas pagesës prej 500 mijë eurosh, me kusht që të qëndronte në Austri.

Autoritetet serbe e akuzojnë gjeneralin Divjak për krime lufte, në lidhje me sulmin vdekjeprurës ndaj ushtrisë jugosllave në Sarajavë, në vitin 1992, në të cilin qenë vrarë 18 ushtarë.

Divjak hedh poshtë akuzat.
XS
SM
MD
LG