Liderët botërorë po synojnë qetësimin e tregjeve financiare, pas degradimit të paprecedent të rejtingut kreditor të Shteteve të Bashkuara, dhe për shkak të krizës së borxheve në eurozonë.
Në fund të javës së kaluar, agjencia Standard&Poor’s, vendosi ta ulë rejtingun afatgjatë kreditor të Shteteve të Bashkuara, nga 3A+ në 2A+.
Por, në Uashington, sekretari i trezorit i Shteteve të Bashkuara, Timoti Gajtner, e ka kritikuar këtë agjenci duke thënë se ajo tregoi “vlerësim të tmerrshëm” duke e ulur rejtingun kreditor amerikan për të parën herë deri tash.
“S&P ka treguar vërtetë vlerësim të tmerrshëm dhe ata e kanë udhëhequr vetveten shumë keq. Ata, po ashtu, kanë treguar mungesë të theksuar të dijes për matematikën e buxhetit fiskal bazik të Shteteve të Bashkuara, dhe mendoj se ata kanë nxjerrë saktësisht konkluzion të gabueshëm”, tha Timoti Gajtner.
Më herët, Shtëpia e Bardhë tha se sekretari Gajtner, mbetet në postin e tij, përkundër thirrjeve të disa ligjvënësve republikanë, për dorëheqjen e tij për shkak të uljes së rejtingut.
Zëdhënësi i Shtëpisë së Bardhë, Xhej Karni, tha se presidenti Barak Obama “ka kërkuar nga sekretari Gajtner, që të mbetet në postin e tij në thesar dhe e ka mirëpritur vendimin e tij”, për ta vazhduar punën në këtë post.
Java e fundit ishte e trazuar për shkak se u panë humbje të miliarda dollarëve të vlerës së tregjeve globale, nga shqetësimi lidhur me ripërtëritjen e butë ekonomike të Shteteve të Bashkuara dhe përhapjen e krizës së borxheve në eurozonë.
I alarmuar nga këto shqetësime, Grupi i Shtatë vendeve industrialisht më të zhvilluara në botë ka kumtuar se anëtarët e grupit janë të “përkushtuar për të reaguar në mënyrë të koordinuar” për stabilizimin e tregjeve globale.
Njëherësh, anëtarët e Grupit të 20 vendeve industrialisht më të zhvilluara dhe atyre në zhvillim, po ashtu sot, thanë se janë të gatshme për të vepruar së bashku për stabilizimin e tregjeve financiare dhe për ta mbrojtur rritjen ekonomike.
Më tutje, për shkak të shqetësimeve në rritje se Spanja dhe Italia mund të përfshihen në krizën e borxheve të eurozonës, për shkak të deficitit të buxhetit të tyre, Banka Qendrore Evropiane, doli në skenë për ta ulur presionin, duke sinjalizuar se ishte e gatshme për t’i blerë letrat me vlerë të qeverive në Spanjë dhe Itali.
Banka Qendrore Evropiane njoftoi se “aktivisht” do t’i ripërtërijë blerjet e obligacioneve të eurozonës nga ekonomitë me probleme, pasi Italia dhe Spanja, shpallën masa të reja dhe reforma për nxitjen e ekonomive të tyre dhe për t’u marrë me shkaqet, që i kishin rritur huat e tyre në nivele rekorde. (f. b.)
Në fund të javës së kaluar, agjencia Standard&Poor’s, vendosi ta ulë rejtingun afatgjatë kreditor të Shteteve të Bashkuara, nga 3A+ në 2A+.
Por, në Uashington, sekretari i trezorit i Shteteve të Bashkuara, Timoti Gajtner, e ka kritikuar këtë agjenci duke thënë se ajo tregoi “vlerësim të tmerrshëm” duke e ulur rejtingun kreditor amerikan për të parën herë deri tash.
“S&P ka treguar vërtetë vlerësim të tmerrshëm dhe ata e kanë udhëhequr vetveten shumë keq. Ata, po ashtu, kanë treguar mungesë të theksuar të dijes për matematikën e buxhetit fiskal bazik të Shteteve të Bashkuara, dhe mendoj se ata kanë nxjerrë saktësisht konkluzion të gabueshëm”, tha Timoti Gajtner.
Më herët, Shtëpia e Bardhë tha se sekretari Gajtner, mbetet në postin e tij, përkundër thirrjeve të disa ligjvënësve republikanë, për dorëheqjen e tij për shkak të uljes së rejtingut.
Zëdhënësi i Shtëpisë së Bardhë, Xhej Karni, tha se presidenti Barak Obama “ka kërkuar nga sekretari Gajtner, që të mbetet në postin e tij në thesar dhe e ka mirëpritur vendimin e tij”, për ta vazhduar punën në këtë post.
Java e fundit ishte e trazuar për shkak se u panë humbje të miliarda dollarëve të vlerës së tregjeve globale, nga shqetësimi lidhur me ripërtëritjen e butë ekonomike të Shteteve të Bashkuara dhe përhapjen e krizës së borxheve në eurozonë.
I alarmuar nga këto shqetësime, Grupi i Shtatë vendeve industrialisht më të zhvilluara në botë ka kumtuar se anëtarët e grupit janë të “përkushtuar për të reaguar në mënyrë të koordinuar” për stabilizimin e tregjeve globale.
Njëherësh, anëtarët e Grupit të 20 vendeve industrialisht më të zhvilluara dhe atyre në zhvillim, po ashtu sot, thanë se janë të gatshme për të vepruar së bashku për stabilizimin e tregjeve financiare dhe për ta mbrojtur rritjen ekonomike.
Më tutje, për shkak të shqetësimeve në rritje se Spanja dhe Italia mund të përfshihen në krizën e borxheve të eurozonës, për shkak të deficitit të buxhetit të tyre, Banka Qendrore Evropiane, doli në skenë për ta ulur presionin, duke sinjalizuar se ishte e gatshme për t’i blerë letrat me vlerë të qeverive në Spanjë dhe Itali.
Banka Qendrore Evropiane njoftoi se “aktivisht” do t’i ripërtërijë blerjet e obligacioneve të eurozonës nga ekonomitë me probleme, pasi Italia dhe Spanja, shpallën masa të reja dhe reforma për nxitjen e ekonomive të tyre dhe për t’u marrë me shkaqet, që i kishin rritur huat e tyre në nivele rekorde. (f. b.)
