Ndërlidhjet

logo-print
Në Kosovë janë rreth 700 persona të identifikuar me Sindromën Down.

Personat e prekur me këtë sindromë, kanë arritur mjaft që të inkuadrohen në shoqëri, thonë përfaqësueses të organizatës “Down Sindrom Kosova”.

Leonora Shabani, e cila vetë është nënë e një fëmije me këtë sindromë, udhëheq këtë organizatë.

Personat me Down sindromë nuk kanë pasur kurrfarë të drejte para vitit 2007, nuk e kanë pasur të drejtën e shkollimit, të regjistrimit në çerdhe të rregullta.
Ajo thotë se me shumë vështirësi dhe sfida, tashmë shumica e personave me sindromën Down kanë depërtuar në shumë segmente të jetës.

Personat me Down sindromë nuk kanë pasur kurrfarë të drejte para vitit 2007, nuk e kanë pasur të drejtën e shkollimit, të regjistrimit në çerdhe të rregullta”, shprehet ajo.

Por, prej kur është hapur kjo qendër, sipas zonjës Shabani, shumë gjëra kanë ndryshuar për të mirë.

Kjo organizatë ka arritur t’i regjistrojë 20 fëmijë në çerdhe dhe 20 fëmijë në shkolla të rregullta.

Ndërkaq Besart Berisha, baba i fëmijës me sindromë Down, thotë se fëmija i tij 8 vjeçar është ambientuar shumë mirë në shoqëri.

Ai vijon mësimet e rregullta, dhe siç thotë Berisha, me djalin e tij janë shumë të lumtur për shkak se ai tashmë ka përparuar shumë mirë.

Fëmija im Asdreni, ka përparuar shumë mirë. Është 8 vjeçar dhe shkon në klasën e dytë, në shkollë të rregullt. Ka qenë e vështirë të inkuadrohet, mirëpo me ndihmën e qendrës, dhe me ndihmën e psikologëve, kurseve të ndryshme, ka arritur shumë. Edhe unë me gruan kemi punuar shumë me të. Ai tash është mësuar të lexojë, të shkruajë, numrat i di. Normal që si fëmijët e tjerë nuk mund të jetë, është një hap prapa, mirëpo punojmë shumë dhe ka arritur shumë”, thotë Berisha.

Normal që si fëmijët e tjerë nuk mundet jetë, është një hap prapa, mirëpo punojmë shumë dhe ka arritur shumë.
Zyrtarë në Ministrinë e Arsimit, tashmë kanë deklaruar se në Kosovë ekzistojnë 7 shkolla speciale, 70 klasë të bashkëngjitura dhe 3 shkolla gjithëpërfshirëse.

Por sipas zonjës Shabani, një problem me të cilin prindërit e fëmijëve të prekur me sindromën Down po ballafaqohen, është gjendja jo e mirë e tyre shëndetësore.

Secili fëmijë me Down sindromë ka probleme shëndetësore, e kryesisht çdo i dyti lind me probleme në zemër, e në Kosovë nuk ka shërim për këta fëmijë, dhe prindërit ballafaqohen me lloj-lloj probleme për ta dërguar jashtë vendit, por ai operim është shumë i shtrenjtë”, shprehet ajo.

Në Kosovë, në institucione shëndetësore publike, nuk kryhen operacionet e hapura në zemër, andaj sipas Zonjës Shabani, prindërve u duhet gjithmonë të gjejnë mbështetje financiare, për t’i dërguar jashtë vendit fëmijët e tyre për operim.

E Faik Hoti, drejtor i departamentit për informim në Ministrinë e Shëndetësisë, thotë se në kuadër të programit për trajtim jashtë institucioneve publike, kanë udhëtuar rreth 300 pacientë jashtë vendit, në gjashtë mujorin e parë të këtij viti, e në mesin e tyre edhe disa fëmijë me sindromë Down.

Në programin për trajtim jashtë vendit nuk ka pasur kërkesa në mënyrë eksplicite për trajtim jashtë vendit për personat e prekur me sindromën Down.
Në programin për trajtim jashtë vendit nuk ka pasur kërkesa në mënyrë eksplicite për trajtim jashtë vendit për personat e prekur me sindromën Down. Ka pasur disa raste që këta persona kanë kërkuar intervenime në zemër apo edhe në organe tjera, dhe në këto raste ministria ka pasur mirëkuptim, dhe i ka miratuar kërkesat e tyre”, bën të ditur Hoti.

Sindroma Down është një nga çrregullimet më të zakonshme që vepron në një në 750 lindje dhe predispozitat më të mëdha i kanë nënat mbi 35 vjeçe.
  • 16x9 Image

    Ariana Kasapolli - Selani

    Ariana Kasapolli - Selani ka lindur më 15.04.1980 në Prishtinë. Shkollimin fillor, të mesëm dhe universitar e ka ndjekur në Prishtinë, ku edhe ka diplomuar në Fakultetin e Gazetarisë. Si korrespondente e Radios Evropa e Lirë punon që nga viti 2009. Është e martuar dhe ka tre fëmijë.

XS
SM
MD
LG