Ndërlidhjet

logo-print

Kosor: Beogradin s'e pyet kush gjë


Shefja e ekzekutivit kroat, Jadranka Kosor, tha se disa politikanë në Kroaci dhe Serbi nuk e kanë kuptuar ende realitetin, "as 20 vjet pas pavarësisë së Kroacisë".

"Populli kroat dhe kryeministrat kroatë nuk do të kërkojnë këshilla, lutje apo leje nga Beogradi për të bërë diçka. Ato kohëra, fatmirësisht, kanë përfunduar gjithmonë", tha Kosor, e cila u pyet nga gazetarët të komentojë deklaratën e ministrit të Jashtëm serb, Vuk Jeremiq, me rastin e vizitës së saj në Kosovë.

Jeremiq, i pyetur se si e komenton deklaratën e zonjës Kosor se "Kroacia është miku më i madh i Kosovës në rajon", tha se "ata që janë miq të mirë me Jadranka Kosorin, nuk kanë nevojë për armiq".

Kryeministrja kroate sot është "sulmuar" edhe nga presidenti serb, Boris Tadiq, i cili tha se është i befasuar me mosreagimin e BE-së, për "sjelljen joevropiane të Kosorit, vizitën e saj në Kosovë dhe përshëndetjen e kriminelëve të akuzuar të Hagës".
XS
SM
MD
LG