Ndërlidhjet

logo-print

Policia egjiptiane në gjendje alarmante


Egjipti ka vënë në gjendje gatishmërie forcat policore pas një nate të dhunshme, gjatë së cilës protestuesë të mllefosur iu vërsulën ambasadës izraelite në Kajro.

Agjencia shtetërore e lajmeve MENA bëri të ditur se 448 persona janë plagosur gjatë përleshjeve ndërmjet mijëra protestuesve dhe policisë.

Dyzet e gjashtë pjesëtarë të policisë thuhet se janë lënduar gjithashtu gjatë kësaj ngjarjeje.

Dhuna shtyu ambasadorin izraelit me familje dhe tërë stafin e ambasadës ta lëshojë Kajron dhe të kthehet në Izrael.

Zëvendësambasadori izraelit thuhet se ka mbetur në Kajro për të vazhduar kontaktet me qeverinë e Egjiptit.

Të premten, policia egjiptiane fillimisht nuk deshi të ndërhyjë në protestë.

Megjithatë, në mëngjesin e së shtunës policia përdori gazin lotsjellës për të shpërndarë turmën duke shkaktuar-në këtë mënyrë, hedhjen e mjeteve me zjarrë nga protestuesit që po qëndronin në ambasadë.
XS
SM
MD
LG