Mijëra të krishterë koptë janë tubuar në Katedralen e Shën Markut në Kajro, për të kujtuar viktimat që pësuan në përleshjet me forcat e sigurisë dhe myslimanët e linjës së ashpër. Dhuna shpërtheu derisa të krishterët koptë protestonin kundër sulmit në një kishë të Egjiptit jugor. Të paktën 25 persona kanë humbur jetën dhe disa të tjerë janë plagosur në dhunën më të ashpër që nga rënia e ish-presidentit të Egjiptit, Hosni Mubarak.
