"New York Times"
Të gjithë ndanë gëzimin me izraelitët për lirimin e ushtarit Gilad Shalit, i cili mbahej nga Hamasi për pesë vjet. I mbetet popullit të Izraelit të debatojë nëse marrëveshja – e cila përfshin lirimin e mbi 1,000 të burgosurve palestinezë – do ta bëjë vendin e tyre të sigurt apo do ta çojë në më shumë dhunë.
Ka shqetësime se marrëveshja në fjalë mund ta pengojë marrëveshjen për paqe ndërmjet izraelitëve dhe palestinezëve, çfarë është e vetmja garanci reale për siguri të qëndrueshme të të dyja palëve.
Tani, kur kryeministri izraelit, Benjamin Netanjahu, ka bërë kompromis me Hamasin, ekziston droja se për ta provuar ashpërsinë e tij, ai do të jetë më pak i gatshëm për të bërë kompromisin e nevojshëm për rigjallërimin e bisedimeve. Ka frikë se edhe presidenti palestinez, Mahmud Abas, dhe grupi i tij, Fatah, do të dobësohen.
Edhe zoti Netanjahu, edhe Hamasi janë në kërkim të fitores politike, pasi zoti Abas depërtoi në qendër të vëmendjes ndërkombëtare dhe rriti popullaritetin e tij, kur kërkoi nga Kombet e Bashkuara anëtarësim të plotë të vendit të tij të padefinuar.
Vetëm pesë muaj më parë, Netanjahu kërkoi ndërprerjen remitancave të taksave për Autoritetin Palestinez, ndërsa u bëri thirrje Shteteve të Bashkuara të ndalojnë ndihmën, pasi zoti Abas u përpoq të krijonte një qeveri të unitetit me Hamasin, i cili kontrollon Gazan.
Shtrohet pyetja: nëse zoti Netanjahu mund të negociojë me Hamasin, i cili qëllon me raketa Izraelin dhe refuzon të njohë ekzistencën e Izraelit, përse nuk mund të negociojë seriozisht me Autoritetin Palestinez?
Mbështetësit e Netanjahut thonë se koalicioni i tij është aq i brishtë, saqë nuk mund t’i bëjë kompromiset e nevojshme për të ndihmuar rinisjen e bisedimeve për paqe. Por, ai ishte mjaft i fortë për të shkuar kundër dëshirës së familjarëve të viktimave izraelite, të cilat pësuan nga të burgosurit palestinezë, të liruar nga vetë Netanjahu.
“E di se çmimi është shumë i rëndë për ju”, u kishte shkruar ai familjarëve. Por, përse nuk mund të bëjë një apel të ngjashëm për ngrirjen e ndërtimeve në Bregun Perëndimor, për hir të sigurisë së Izraelit?!
Shtetet e Bashkuara dhe partnerët e tyre duhet të vazhdojnë përpjekjet për rikthimin e negociatave. Zoti Abas duhet ta shohë marrëveshjen për shkëmbimin e të burgosurve si sfidë për autoritetin dhe kredibilitetin e tij. Mënyra më e mirë për të forcuar qëndrimin e tij është të udhëheqë popullin në krijimin e shtetit palestinez përmes negociatave.
Netanjahu u pa se nuk e ka problem të bëjë kompromise dhe zgjidhje të vështira. Ai vetëm nuk do. Dhe kjo nuk do ta bëjë Izraelin më të sigurt. (v.t.)
Të gjithë ndanë gëzimin me izraelitët për lirimin e ushtarit Gilad Shalit, i cili mbahej nga Hamasi për pesë vjet. I mbetet popullit të Izraelit të debatojë nëse marrëveshja – e cila përfshin lirimin e mbi 1,000 të burgosurve palestinezë – do ta bëjë vendin e tyre të sigurt apo do ta çojë në më shumë dhunë.
Ka shqetësime se marrëveshja në fjalë mund ta pengojë marrëveshjen për paqe ndërmjet izraelitëve dhe palestinezëve, çfarë është e vetmja garanci reale për siguri të qëndrueshme të të dyja palëve.
Tani, kur kryeministri izraelit, Benjamin Netanjahu, ka bërë kompromis me Hamasin, ekziston droja se për ta provuar ashpërsinë e tij, ai do të jetë më pak i gatshëm për të bërë kompromisin e nevojshëm për rigjallërimin e bisedimeve. Ka frikë se edhe presidenti palestinez, Mahmud Abas, dhe grupi i tij, Fatah, do të dobësohen.
Edhe zoti Netanjahu, edhe Hamasi janë në kërkim të fitores politike, pasi zoti Abas depërtoi në qendër të vëmendjes ndërkombëtare dhe rriti popullaritetin e tij, kur kërkoi nga Kombet e Bashkuara anëtarësim të plotë të vendit të tij të padefinuar.
Vetëm pesë muaj më parë, Netanjahu kërkoi ndërprerjen remitancave të taksave për Autoritetin Palestinez, ndërsa u bëri thirrje Shteteve të Bashkuara të ndalojnë ndihmën, pasi zoti Abas u përpoq të krijonte një qeveri të unitetit me Hamasin, i cili kontrollon Gazan.
Shtrohet pyetja: nëse zoti Netanjahu mund të negociojë me Hamasin, i cili qëllon me raketa Izraelin dhe refuzon të njohë ekzistencën e Izraelit, përse nuk mund të negociojë seriozisht me Autoritetin Palestinez?
Mbështetësit e Netanjahut thonë se koalicioni i tij është aq i brishtë, saqë nuk mund t’i bëjë kompromiset e nevojshme për të ndihmuar rinisjen e bisedimeve për paqe. Por, ai ishte mjaft i fortë për të shkuar kundër dëshirës së familjarëve të viktimave izraelite, të cilat pësuan nga të burgosurit palestinezë, të liruar nga vetë Netanjahu.
“E di se çmimi është shumë i rëndë për ju”, u kishte shkruar ai familjarëve. Por, përse nuk mund të bëjë një apel të ngjashëm për ngrirjen e ndërtimeve në Bregun Perëndimor, për hir të sigurisë së Izraelit?!
Shtetet e Bashkuara dhe partnerët e tyre duhet të vazhdojnë përpjekjet për rikthimin e negociatave. Zoti Abas duhet ta shohë marrëveshjen për shkëmbimin e të burgosurve si sfidë për autoritetin dhe kredibilitetin e tij. Mënyra më e mirë për të forcuar qëndrimin e tij është të udhëheqë popullin në krijimin e shtetit palestinez përmes negociatave.
Netanjahu u pa se nuk e ka problem të bëjë kompromise dhe zgjidhje të vështira. Ai vetëm nuk do. Dhe kjo nuk do ta bëjë Izraelin më të sigurt. (v.t.)