Ndërlidhjet

Turqia e Irani-bashkë kundër rebelëve separatistë


Turqia dhe Irani janë zotuar se do të bashkëpunojnë në luftën kundër rebelëve kurdë në kohën kur trupat turke-në ditën e tretë, vazhduan ofensivën tokësore dhe ajrore kundër militantëve në veri të Irakut.

Zotimi u bë kur ministri i jashtëm turk, Ahmet Davutoglu, takoi në Ankara homologun e tij iranian, Ali Akbar Salehi, për të diskutuar thellimin e bashkëpunimit kundër rebelëve seperatistë.

Në të kaluarën, Turqia dhe Irani kishin rritur sulmet e koordinuara kundër rebelëve kurdë në rajonin kufitar me Irakun.

Që nga e mërkura, diku 10 mijë ushtarë turkë kanë ndjekur rebelët në juglindje të Turqisë dhe në zonën kufitare me Irakun.

Aksioni erdhi pasi rebelët kurdë vranë 24 ushtarë turkë.
XS
SM
MD
LG